australia zoo - حديقة الحيوان - أستراليا

السلام عليكم ورحمة الله وبركاته

اليوم رحلتنا إلى حديقة حيوان أستراليا - غولد كوست

Australia Zoo

تعتبر هذي الحديقة أكبر حديقة حيوان في أستراليا والحديقة الرسمية ..

الحلو في هذي الحديقة إن لها قصة خاصة مو مثل باجي الحدايق اللي تنشئها الحكومات ..

هذي الحديقة كانت مزرعة خاصة لوالد (  ستيفن إروين ) المعرو بـ ( صائد التماسيح ) .. وكانت حياته من صغره بين الزواحف والتماسيح وكان اهو اللي ينظف أماكنها ويعتني فيها .. لما كبر ستيفن .. ومات أبوه غير اسم الحديقة وسماها حديقة حيوان أستراليا .. وكان متطوع لصيد التماسيح عند الحكومة الأسترالية ..

وهو يعتبر من أكبر محبين الحفاظ على البيئة وكان يشتري أراضي في أماكن مختلفة من العالم مثل أمريكا وأسترراليا وغيرهم ويخليها حدايق عامة للناس ..

ومن حبه الشديد للتماسيح . . سمّا بنته اسم مركب Bindi Sue Irwin  ( Bindi  ) وهو اسم التمساح البحري المفضل ..

مات ستيفن في سنة 2006 بسبب سمكة نوع stingray .. كان غايص يصور فلم حق بنته ..

 القائمين على الحديقة ألحين هم أبناء ستيفين إروين .. ومحبينه ..

Steven Irwin

.. الحديــقة .. 

تمثال عائلة ستيفن إروين في مدخل الحديقة  

حجزنا للحديقة كان عن طريق المكاتب السياحية .. مدة الرحلة تقريبا ساعتين روحة وساعتين ردة .. من السرفيس برادايس

 موقع المكتب السياحي ..

http://www.hinterlandtours.com.au/

الحديقة ضخمة جداً ومن أكبر حدايق الحيوان اللي زرتها .. للأسف اهي مو مستغلة استغلال كامل .. لكنها ممتعة وحلوة ..

فيها وايد أشياء حلوة .. منها المحميات المفتوحة للكوالا .. والكنغر .. والطيور ..

 طبعا ما ننسى إن فيها عرض التماسيح وهو يعتبر الأقوى في العالم وأظن إن اهي الحديقة الوحيدة اللي تقدمه ..

الحديقة موفرة في كل مكان الأكشاك اللي تبيع المرطبات والمأكولات الخفيفة .. وأيضا دورات المياه .. تقريبا فيها 3 أماكن متفرقة حق الأطفال .. عشان ما يملون ويلعبون ..

الملاحظ في الحديقة إن أكثر اهتمامها للزواحف .. خصوصا التماسيح .. مكانهم وايد حلو ومهتمين فيه بشكل كبير...

كل تمساح وعايلته بقفص خاص و لهم اساميهم الخاصة االي محطوطة على القفص ..

فيها أقسام مثل الحيوانات الأفريقية والطيور .. لكنها بعيدة بالمشي تتعب :/ لدرجة وصلت هناك مالي خلق أشوفهم مع إني أحبهم وايد :)

يعني أهم شي بالحديقة إنك تأخذ وقتك وتمشيها صححح عشان ما يضيع الوقت وانت تلف بمكانك =)

أسعار التذاكر ..

الشخص البالغ  59 دولار أسترالي .. ما يقارب 12 د.ك

الأطفال ( 3-14 ) 35 دولار أسترالي .. ما يقارب 7 د.ك

وتقدر تطلع على كل أقسامها وأحداثها من خلال موقعهم الإلكتروني ..

http://www.australiazoo.com.au/

الحديقة جميلة وتستحق الزيارة لمحبي الحيوانات .. لكن اللي بس يحب يتمشى في حدايق أقرب للسيرفس برادايس لكنها أصغر .. مشكلتها إن طريقها طويل .. :) 


دمتم بود ..