protein bagel
protein bagel
بروتين بيغل
مع إني مو من الأشخاص اللي يتبعون نظام خالي أو قليل الكارب لكن حبيت أجرب البروتين بيغل
خذيت الوصفة من نظام الكيتو .. اللي يتبع نظام شبه خالي من الكارب وعالي بالبروتين والدهون
النتيجة عجبتني وايد .. لكن حق شخص يدور شي قليل الكالوريز ما اظن بيعجبه هذا البيغل وايد
😎
المكونات :
1 1/2 كوب جبن موزاريلا ( مبشور أول اللي يكون بجيس )
58 غ جبن كريمي
1 بيض
1 1/4 كوب طحين اللوز
م ك بيكنغ بودر
م ك بروتين الصويا أو 1/4 كوب طحين اللوز
الطريقة :
١- نذوب جبن الموزاريلا مع الجبن الكريمي في المكرويف لمدة ٣٠ ثانية ونطلعه نحركه ونرجع ندخله المكرويف لما يذوب الجبن ويتجانس
٢- نضع جميع المكونات في الخلاط مع الجبنة ونخلط لما تتكون عجينة طرية جدا
٣- نغطي العجينة بنايلون وندخلها الفريزر
٤- نشغل الفرن على درجة حرارة 200c وننتظره يسخن ( حوالي 10 دقائق )
٥- نطلع العجينة من الفرن ونقسمها لـ 7 أقسام متساوية ( عدد الأقسام على حسب حجم البيغل اللي تبينه )
٦- نشكل العجينة على شكل بيغل ونمسحها ببيض مع حليب ونزينها بأي شي نبيه وندخلها الفرن لما يحمر الوجه ( تقريبا 15 دقيقة )
* تحفظ في الفريزر لمدة 7-10 أيام ونسخن وقت الأكل
..
* أنا سويت العجينة نصين أثناء الخلط وحطيت مع نصها توت مجفف وبهارات إيطالية وخليت النص الثاني سادة
إجمالي الكالوريز 1470 على حسب جم بيغل تقسمونة راح يطلع جم بالحبة انا قسمته على 9 بالحبة طلعلي 163 تقريبا
وبالعافية 😋
تعليقات
إرسال تعليق