تقرير مفصل : ليغولاند ماليزيا

- أبريل 09, 2015

بسم الله الرحمن الرحيم

رحلتي إلى ليغولاند ماليزيا ( جوهر بحرو ) في 12 فبراير 2014

كانت الرحلة من ضمن رحلة مدتها 10 أيام في ماليزيا وسنغافورة ( نص يوم :) )

مقرنا الأساسي كان في كوالالمبور

خلينا جناطنا بالفندق وخذينا لرحلة الليغو هاند باغ فقط فيها تبديلتين والاساسيات ..

الحجز كان مترتب من الكويت على طيران ماليزيا الرسمي.. بتكلفة 130 رينغيت ما يقارب 12 د.ك ( خط واحد ) .. ساعة تقريبا من كوالالمبور إلى جوهر بحرو

وصلنا الحمدلله والوضع تمام أخذنا تاكسي ورحنا للفندق

للأمانة تأذينا على ما حصلنا فندق في بوكينغ لأن الخيارت المتاحة كانت قليلة لان المنطقة توها تبدا تقوم وتشتغل فيها السياحة

بس قعدتنا في الفندق مجرد الليل .. والصباح موعدنا مع ليغو لاند :)

التاكسي أخذناه عن طريق الفندق ..

وصل وطلعنا من الفندق ..

وصلنا ليغو :)

شي خياااالي وعجيب ..

كنا حاجزين من الكويت ليلة في فندق الليغو :) وهذي التفاصيل :

سعر اللية اللي أخدناها 740 رينغيت ماليزي يعني 62 د.ك تقريبا

الفندق فيه 3 أقسام .. أنت تختار منها اللي يعجبك ..

قسم kingdom

قسم pirate

قسم adventure

وفي كل قسم في 3 أنواع

سويت - غرفة ممتازة - غرفة عادية

طبعا تفرق الأسعار من نوع لي نوع ..

إحنا كان حجزنا غرفة ممتازة في الـ kingdom وغرفة ممتازة في الـ pirate

* الفرق بين الغرفة الممتازة والعادية ..
الغرفة الممتازة مطبوع على جدرانها شخصيات الليغو حسب القسم اللي أنت حاجز فيه
أما الغرفة العادية الجدران سادة فقط الأثاث فيه أشياء بسيطة من شخصيات الليغو .

وهذي بعض الصور ..