منتجع avani sepang ماليزيا

رحلتي إلى golden palm tree resort ماليزيا - فبراير 2014

 وتم تغيير اسمه الآن إلى avani sepang goldcoast 

وهذا الشعار القديم 

وهذا اليديد

استغرقت الرحلة ساعة ونص تقريبا .. من الفندق وسط كوالالمبورإلى المنتجع 

كان حجز التاكسي مترتب من الكويت  .. من الفندق نفسه عن طريق سايت الفندق  .. كانت عبارة عن mini van لـ 6 أشخاص بسعر 300 رينغيت ماليزي روحة و300ردة  يعني تقريبا 25 د.ك وطبعا لازم الحجز قبل 72 ساعة 

وهذا سايت المنتجع

http://avanisepanggoldcoast.com/

سعر الفيلا 1125 رينغيت ماليزي شامل الإفطار لمدة يوم واحد يعني 93 د.ك تقريبا

الفيلا تتكون من صالة وغرفتين وحمام  وغرفة ماستر مع بلكونة 

الاستبقال وايد حلو ويتم النقل من الاستقبال إلى الفيلا عن طريق السيارة الصغيرة اللي تشبه سيارة المطار :) 

وفيه قوراي ( دراجات هوائية )  فري تقدر تاخذهم من أي مكان تشوفهم سواء صافطين عند فلل ثانية أو عند الاستقبال وتتمشى فيهم .. 

المنتجع عنده مسبحه الخاص اللي يم مطعم الإفطار لكن إذا ما تحب الحشرة ممكن تروح البحر وتاخذ راحتك هناك :) 

تقييمي للمكان جدا جميل سواء للمعاريس أو العوايل .. لكن مو أكثر من 3 أيام :) 

وأترككم مع الصور ..