ديزني لاند - باريس - 2014
ديزني لاند - باريس - 2014
الرحلة كانت مرتبة من الكويت باليوم والوقت وحجزنا تذاكرنا من موقع ديزني
طبعا حديقة ديزني تنقسم حق 3 أقسام رئيسية على أساسها يتم شراء التذكرة ..
قسم الثيم بارك ( وهو قسم الألعاب والعوالم المعروفة عند ديزني )
قسم الإستيديو ( قسم صناعة الأفلام وفيه بعض الألعاب أيضا )
قسم الفيليج ( قسم فيه بعض المطاعم والستورات وفيه كافيه ميكي ) ( مجاني للجميع )
.. موقع ديزني يعطيك خيارات كثيرة للتذكرة ..
أول شي إحنا حجزنا فقط للثيم بارك .. يعني شغلنا بالموقع كان تذكرة ليوم واحد في حديقة واحدة
لما تضغط راح يطلب منك عدد التذاكر المطلوب
من ( 12 سنة وأكثر ) هذا يعتبر الشخص البالغ
ومن (3-11 ) هذي تذكرة الأطفال
الأصغر فري
بعد ما تحط العدد المطلوب راح يعطيك 3 خيارات
1- تذكرة ليوم واحد حديقة واحدة ( super magic ticket ) .. هذي التذكرة تكون ليوم واحد مفتوح من السنة من بعد يوم الدفع لحديقة واحدة ( فقط متوفرة في الموقع ) سعرها 69 يورو للشخص البالغ ما يقارب 23 د.ك .. 62 يورو للشخص الصغير ما يقارب 20 د.ك
2- تذكرة ليوم واحد و حديقة واحدة ( magic ticket ) .. هذي التذكرة مفتوحة ليوم واحد أنت تحدده من السنة ( high season & low season ) لحديقة واحدة ( فقط متوفرة بالموقع ) سعرها 59 يورو للشخص البالغ ما يقارب 19 د.ك .. 52 يورو للشخص الصغير ما يقارب 17 د.ك
3- تذكرة ليوم واحد وحديقة واحدة ( mini ticket ) .. هذي التذكرة مفتوحة ليوم واحد أنت تحدده من السنة وتشمل فقط أيام الـ ( low season ) لحديقة واحدة ( فقط متوفرة بالموقع ) 47 يورو للشخص البالغ ما يقارب 15 د.ك .. 40 يورو للشخص الصغير ما يقارب 13 د.ك
** أيام الـ ( high & low season ) تلاقونها بالموقع يفتحلك التقويم فيه كل أيام السنة ومبين لك بالألوان كل تاريخ شنو يكون
احنا خذينا التذكرة الثانية بقيمة 59 يورو للشخص البالغ وولدي كان عمره 6 شهور ( فري )
الدفع في الموقع عن طريق الفيزا أو الماستر كارد
وبما إن كنا حاجزين التذكرة ومحددين اليوم .. حجز السيارة كان من الكويت عن طريق موقع ..
تفاصيل الأسعار ..
الرحلة تكلف 80 يورو .. تقريبا 62 د.ك
تدفع في الموقع نص السعر والنص الثاني تسلمه للسائق
مدينة جميلة جدا لكن مشكلتها الوحيدة زحححححمة ..
الحمدلله إن احنا مو رايحين نلعب بس رايحين نطالع :)
الألعاب أغلبها مدة الانتظار فيها 50 دقيقة وأكثر من ألعاب الأطفال والكبار ..
أما باقي الأشياء كلها عجيبة وحلوة
وتجربتي فيها كأم لها طفل رضيع .. الحمدلله كان كل شي تمام الحمامات تكرمون فيها أماكن خاصة لتبديل الأطفال .. وفي غرفة خاصة للأمهات اللي يبون يرضعون أو يبدلون عيالهم .. شي وايد حلو وراقي
وأترككم مع الصور : )
دمتم بخير :)
تعليقات
إرسال تعليق