كيكة الورد
كيكة الورد
من ألذ وأحلى الكيكات اللي ممكن تقدمينها للضيوف أو الزوارة شكلها جميل وطعمها أجمل .. جربوها وعطوني رايكم :)
المقادير :
٤ بيضات بحرارة الغرفة
١ ك كريمة خفق
١ ١/٢ ك طحين
١/٣ ك سكر
م ك بيكينغ باودر
ظرف دريم ويب
م ك روح الورد ( أو شراب الورد اذا لم يتوفر روح الورد )
الطريقة :
نرش قالب متحرك الجوانب ببخاخ الزبدة ونرشه شوية طحين ونحطه طرف
نشغل الفرن على حرارة ١٨٠
نخلط البيض مع السكر لمدة ٣ دقائق
نضيف الدريم .. ننخل الطحين مع البيكينغ باودر ونضيفه للخليط السابق بالتناوب مع كريمة الخفق
بعدها نضيف روح الورد
نحط الخليط داخل القالب وندخلها الفرن لمدة ٣٥-٤٠ دقيقة
مقاديرة الحشوة
٤ م ك مربى الورد
٢ م ك صلصة التوت ( إذا لم تتوفر تستبدل بمربى توت مع بشر الليمون )
١ م ك ماء ** تخلط مع بعض ** مقادير التغطية :
٢٠٠ غ جبنة فيلاديلفيا بحرارة الغرفة
١ ك سكر بودر
١ م ص ماء ورد
م ك زيت أو زبدة لينه
الطريقة
تخلط بأعلى سرعة إلى أن يصبح المزيج كريمي ** إذا تبين التغطية يكون لونها وردي تقدرين تضيفين قطرة من ملون الطعام او م ص من روح الورد
بعد ما تستوي الكيكة نتركها تبرد وبعدها نقصها من النص ونحط الحشوة ونسكرها ونغطيها بالكريمة وندخلها الثلاجة لمدة ڵاٲ تقل عن ٤ ساعات
التزيين على حسب اللي تحبونه .. انا زينتها بشعر البنات والورد المحمدي مع الفستق
وبالعافية
🌸🍰🎂🌸
تعليقات
إرسال تعليق