WB Warner Bros Abu Dhabi
WB . WORLD
ABU DHABI
عالم وورنر بروس
تم افتتاح عالم وونر بروس في يوليو ٢٠١٨ وتعتبر حديقة وونر بروس في أبو ظبي الحديقة الوحيدة من نوعها مغلقة بالكامل وهالشي يوفر الأجواء الملائمة طول السنة للزيارة ..
الحديقة فعلا فعلا من أجمل الحدايق اللي زرتها .. خصوصا في منطقة الخليج .. تستاهل التجربة من كل النواحي
كان معاي ولدي عمره ٤ سنين استاااانس فعلا مع إن في ألعاب وايد ما ركبها بس استاااانس من قلب خصوصا إن رحلتنا حق وورنر كانت بعد حديقة آي إم جي في دبي كان يمشي ويتحسر لأن ما يقدر يركب شي :)
عموما .. أسعار التذاكر نوعا ما غالية لكن الحديقة تستاهل
أسعار التذاكر :
الشخص البالغ : ٢٩٥ درهم إماراتي.. تقريبا ٢٥ د.ك
الشخص الصغير : ٢٣٠ درهم إماراتي .. تقريبا ١٨ د.ك
.. التذكرة صالحة لمدة ٦ شهور من تاريخ الشراء
رابط شراء التذاكر من موقع وورنر ..
https://www.wbworldabudhabi.com/en/booking
تتكون الحديقة من ٦ عوالم راح أبدا كل عالم ومحتوياته وصوره
warner bros plaza
.. ويعتبر اهو المدخل الرئيسي اللي يتصل بكل العوالم .. وفيه كذا مطعم عالمي يقدم أغلب الأكلات العالمية من باستا وعيش وبرغر وأشياء ثانية واللي يميز عذا المطعم عن غيره من المطاعم في الحديقة إن أثناء تناولك للطعام تظهرلك شخصيات وورنر داخل المطعم وتشاركك لحظات تناول الطعام وهالشي يعطي جو وايد حلو للمكان .. والمطعم الثاني مطعم إيطالي .. لمحبين البيتزا والباستا .. وأيضا فيه مطعم لعشاق الآيس كريم ومطعم أخير في هذا القسم لعشاق القهوة يقدم
أفضل أنواع القهوة والسناكات الخفيفة
bedrock
ويحتوي هذا العالم على لعبة قطار ( كانت مغلقة وقت وجودي هناك ) ومطعم يقدم البرغر والفاست فود وستور يبيع تذكارات وأشياء تخص شخصيات بيدروك :)
Dynamite Gulch
ويحتوي هذا العالم أيضا على قطار سريع فكرته هي لحاق شخصية كايوتي برود رنر وأيضا لعبة سيارات التصادم الشهيرة على شخصية مارفن ولعبة طائرات الفضاء وطبعا ستور يحتوي على الأشياء النادرة والجميلة على شخصيات العالم :)
Cartoon Junction
بالنسبة لي كان أحلى عالم .. لأن فيه أغلب شخصيات الطفولة 😍
بغز باني .. دافي داك .. تويتي .. توم وجيري .. حتى عيالي وايد استانسو في هذا العالم ..
العالم في العاب تصلح حق عمر سنه وصاعد .. العالم يحتوي على ٧ ألعاب .. فيه الألعاب المفتوحة الحركية ( زحلاقيات وتسلق ) وفي مكان صغير مسكر حق الأطفال عمر السنة .. المكان وايد عملي ومنظم وحلو
وفيه بعد لعبة الأطفال المفضلة الكاروسيل على شخصيات بغز بني وتويتي وتوم وجيري .. وبعد فيه مسرح دافي داك مع بغز بني مثل ما قلت كان من أحلى العوالم في الحديقة ويحتوي ايضا على مطعم
للغداء وكشك للسناكات الخفيفة والمشروبات ..
Gotham City
حرب باتمان والجوكر في غوثام سيتي .. المنطقة تاخذك لمكان آخر .. وكأنك دخلت مدينة ألعاب ثانية تماماً ..
تحتوي هذي المنطقة على ٣ ألعاب .. لعبة رعب .. ولعبة الدوران > شكلها كان عجييييب واهيا شغالة .. وبيت الجوكر .. للأسف ما قدرنا ندخل إلا بيت الجوكر لأن ولدي صغير .. لعبة بيت الجوكر عبارة عن لعبة المرايا والمتاهات ..الصج ما قدرنا
نطلع منها وطلعنا من الاميرجنسي اكزت 😂
Metropolis
تضم هذي المنطقة البطل الأسطوري سوبر مان وتعتبر منطقة الأبطال والعدالة .. فيها ٤ ألعاب كلهم حق كبار وفيها مطعم برغر ومحلات لشراء التذكارات وأشياء على أبطالكم المفضلين ..
بشكل عام الحديقة وايد حلوة ومرتبة حيل ومتوفر فيها كل الأشياء اللي ممكن تحتاجها من اكل للصغار والكبار كل أواع السناكات - دورات مياه - غرف تبديل الأطفال - مصلى للرجال والنساء والمصليات تحتوي على مواضئ
وهذي خريطة الحديقة ..
ونختم التدوينة بشخصيات الطفولة 😻
رابط موقع حديقة وورنر براذرز
الموقع متوفر باللغة العربية والانجليزية
دمتم بود 🌹🌹
https://www.wbworldabudhabi.com/en/booking
تتكون الحديقة من ٦ عوالم راح أبدا كل عالم ومحتوياته وصوره
warner bros plaza
.. ويعتبر اهو المدخل الرئيسي اللي يتصل بكل العوالم .. وفيه كذا مطعم عالمي يقدم أغلب الأكلات العالمية من باستا وعيش وبرغر وأشياء ثانية واللي يميز عذا المطعم عن غيره من المطاعم في الحديقة إن أثناء تناولك للطعام تظهرلك شخصيات وورنر داخل المطعم وتشاركك لحظات تناول الطعام وهالشي يعطي جو وايد حلو للمكان .. والمطعم الثاني مطعم إيطالي .. لمحبين البيتزا والباستا .. وأيضا فيه مطعم لعشاق الآيس كريم ومطعم أخير في هذا القسم لعشاق القهوة يقدمأفضل أنواع القهوة والسناكات الخفيفة
bedrock
ويحتوي هذا العالم على لعبة قطار ( كانت مغلقة وقت وجودي هناك ) ومطعم يقدم البرغر والفاست فود وستور يبيع تذكارات وأشياء تخص شخصيات بيدروك :)
Dynamite Gulch
ويحتوي هذا العالم أيضا على قطار سريع فكرته هي لحاق شخصية كايوتي برود رنر وأيضا لعبة سيارات التصادم الشهيرة على شخصية مارفن ولعبة طائرات الفضاء وطبعا ستور يحتوي على الأشياء النادرة والجميلة على شخصيات العالم :)
Cartoon Junction
بالنسبة لي كان أحلى عالم .. لأن فيه أغلب شخصيات الطفولة 😍
بغز باني .. دافي داك .. تويتي .. توم وجيري .. حتى عيالي وايد استانسو في هذا العالم ..
العالم في العاب تصلح حق عمر سنه وصاعد .. العالم يحتوي على ٧ ألعاب .. فيه الألعاب المفتوحة الحركية ( زحلاقيات وتسلق ) وفي مكان صغير مسكر حق الأطفال عمر السنة .. المكان وايد عملي ومنظم وحلو
وفيه بعد لعبة الأطفال المفضلة الكاروسيل على شخصيات بغز بني وتويتي وتوم وجيري .. وبعد فيه مسرح دافي داك مع بغز بني مثل ما قلت كان من أحلى العوالم في الحديقة ويحتوي ايضا على مطعم
للغداء وكشك للسناكات الخفيفة والمشروبات ..
Gotham City
حرب باتمان والجوكر في غوثام سيتي .. المنطقة تاخذك لمكان آخر .. وكأنك دخلت مدينة ألعاب ثانية تماماً ..
تحتوي هذي المنطقة على ٣ ألعاب .. لعبة رعب .. ولعبة الدوران > شكلها كان عجييييب واهيا شغالة .. وبيت الجوكر .. للأسف ما قدرنا ندخل إلا بيت الجوكر لأن ولدي صغير .. لعبة بيت الجوكر عبارة عن لعبة المرايا والمتاهات ..الصج ما قدرنا
نطلع منها وطلعنا من الاميرجنسي اكزت 😂
Metropolis
تضم هذي المنطقة البطل الأسطوري سوبر مان وتعتبر منطقة الأبطال والعدالة .. فيها ٤ ألعاب كلهم حق كبار وفيها مطعم برغر ومحلات لشراء التذكارات وأشياء على أبطالكم المفضلين ..
بشكل عام الحديقة وايد حلوة ومرتبة حيل ومتوفر فيها كل الأشياء اللي ممكن تحتاجها من اكل للصغار والكبار كل أواع السناكات - دورات مياه - غرف تبديل الأطفال - مصلى للرجال والنساء والمصليات تحتوي على مواضئ
وهذي خريطة الحديقة ..
ونختم التدوينة بشخصيات الطفولة 😻
رابط موقع حديقة وورنر براذرز
الموقع متوفر باللغة العربية والانجليزية
دمتم بود 🌹🌹
تعليقات
إرسال تعليق