San Spastian cheesecake

San Spastian cheesecake 

اليوم يايبتلكم طريقة الكيكة اللي سوت ضجة في الكويت

وماكو أحد اتوقع ما ذاقها .. إلا أنا 😁

قبل ما أحط الوصفة بضيق خلقكم شوي .. 

السعرات الحرارية حق هذي الكيكة :) 

** السعرات بناء على المكونات اللي انا استخدمتها .. وبناء على تقسيمي للكيكة :) 

الحين المكونات :

 

٦ بيضات 

٩٠٠ غ جبن فيلادفيا لايت ( ثلاث علب الحجم الكبير )  ** بحرارة الغرفة 

٣٥٠ غ سكر ( كوب وثلاث أرباع ) 

٥٠٠ غ كريمة سائلة ( كوبين ) ** بحرارة الغرفة 

٣٥ غ طحين ( ٤ ملاعق )

الطريقة : 

* نشغل الفرن على حرارة ٢٠٥ سليزي ونتركه يسخن

١- نخفق الجبن والسكر لما يمتزجون تماماً 

٢- نضيف البيض واحدة تلو الأخرى وتخفق بين كل بيضة وبيضة 

٣- نضيف الكريمة السائلة ونخفق 

٤- نضيف الطحين ملعقة طعام واحدة ونخفق لما نخلصهم 

نقاط مهمة 

نضع الورق المشمع الخاص بالطبخ في القالب ومهم جدا يكون مرتفع عن القالب ١٠ إلى ١٥ سانتي 

البيض إذا كان بحرارة الغرفة الكيكة تصير أطرا 😍

الكيكة تحتاج ساعة في الفرن تقريبا وبعد ما تستوي راح تكون طرية من الوسط نشغل الفرن من فوق وننطر الويه يتحمر وبعدها نطفي ونتركها نص ساعة داخل الفرن 

. . 

... تؤكل بحرارة الغرفة أو باردة 😎

ممكن تقديم صلصات جانبية لها .. أنا قدمتها مع صلصة التوت وصلصة الفريرو روشيه وصلصة اللوتس :) 

وسويتها أيضا بطريقة أعتقد إنها تنفع النظام الكيتوني 

واللي سويته إني استبدلت الشكر بالستيفيا وهذي السعرات بناء على تقسيم الكمية على ٢٤ قطعة

 ( لأنهم mini )